SA vs WI: ‘கடைசி பந்துவரை ட்விஸ்ட்’…திக் திக் போட்டி: அல்ஜாரி ஜோசப் மிரட்டல்…தென்னாப்பிரிக்கா அதிர்ச்சி தோல்வி!

தென்னாப்பிரிக்காவுக்கு எதிரான மூன்றாவது டி20 போட்டியில் மேற்கிந்தியத் தீவுகள் அணி போராடி வென்றது.

தென்னாப்பிரிக்கா சென்ற மேற்கிந்தியத் தீவுகள் அணி மூன்று போட்டிகள் கொண்ட டி20 தொடரில் பங்கேற்று விளையாடியது.

இதில் முதல் இரண்டு போட்டிகள் நடந்து முடிந்து, இரு அணிகளும் 1-1 என்ற சமநிலையில் இருந்தது. இதனைத் தொடர்ந்து மூன்றாவது டி20 போட்டி ஜோகனஸ்பர்க்கில் துவங்கி நடைபெற்றது. இப்போட்டியில் டாஸ் வென்ற தென்னாப்பிரிக்க அணி முதலில் பந்துவீச்சைத் தேர்வு செய்தது.

மே.இ.தீவுகள் இன்னிங்ஸ்:

முதலில் களமிறங்கிய மேற்கிந்தியத் தீவுகள் அணியில் ஓபனர் பிரெண்டன் மெக்கல்லம் 36 (25), நிகோலஸ் பூரன் 41 (19) ஆகிய முதல் வரிசை வீரர்கள் மட்டும்தான் சிறப்பாக செயல்பட்டனர். கைல் மேய்ர்ஸ் 17 (10), சார்லஸ் 0 (1), கேப்டன் ரௌமேன் பௌல் 11 (4) போன்றவர்கள் சிறப்பாக செயல்படவில்லை.

இதனைத் தொடர்ந்து 9ஆவது இடத்தில் களமிறங்கிய ரொமாரியோ செய்பர்ட் 44 (22), அல்ஜாரி ஜோசப் 14 (9) ஆகியோர் அதிரடியாக விளையாடி அசத்தியதால், மேற்கிந்தியத் தீவுகள் அணி 20 ஓவர்களில் 220/8 ரன்களை குவித்து அசத்தியது.

தென்னாப்பிரிக்க இன்னிங்ஸ்:

இலக்கை துரத்திக் களமிறங்கிய தென்னாப்பிரிக்க அணியில் ஓபனர் டி காக் 21 (21) ஆட்டமிழந்தப் பிறகு, மற்றொரு ஓபனர் ஹென்ட்ரிக்ஸ் 83 (44), ரூசோவ் 42 (21) ஆகியோர் அதிரடியாக விளையாடி அசத்தியதால், தென்னாப்பிரிக்க அணிக்கு வெற்றி வாய்ப்பு பிரகாசமாக இருந்தது.

மே.இ.தீவுகள் அணி த்ரில் வெற்றி:

இதனைத் தொடர்ந்து கேப்டன் எய்டன் மார்க்கரம் தொடர்ந்து அதிரடியாக விளையாடி அணியை வெற்றிப்பாதை நோக்கி அழைத்துச் சென்றார். அப்போது, 18 ஓவர்கள் முடிவில் தென்னாப்பிரிக்க அணி 186/3 ரன்களை சேர்த்திருந்தது. 19ஆவது ஓவரை வீச வந்த அல்ஜாரி ஜோசப், அந்த ஓவரில் மூன்று முக்கிய விக்கெடைகளை கைப்பற்றி 9 ரன்களை மட்டும் விட்டுக்கொடுத்து அசத்தினார்.

இதனால், கடைசி ஓவருக்கு 26 ரன்களை அடிக்க வேண்டும் என்ற நிலை வந்தது அப்போது ரௌமேன் ரைபர் 18 ரன்களை மட்டும் விட்டுக்கொடுத்ததால், தென்னாப்பிரிக்க அணி 213/6 ரன்களை மட்டும் சேர்த்து, 7 ரன்கள் வித்தியாசத்தில் தோற்று, 1-2 என்ற கணக்கில் தொடரை இழந்தது.

Previous post Pathu Thala: அதிரடி அறிவிப்பை வெளியிட்ட ‘பத்து தல’ படக்குழு: தரமான சம்பவம் லோடிங்.!
Next post ரஷித் லத்தீஃப் விராட் கோலியிடத்தின் பொறுப்புக் கேப்டனாக உலகக் கோப்பை தொடரில் மிகுந்த வகைப்பாடு வழங்கினார்…