Pathu Thala: அதிரடி அறிவிப்பை வெளியிட்ட ‘பத்து தல’ படக்குழு: தரமான சம்பவம் லோடிங்.!

‘மாநாடு’ படத்தின் மூலம் அதிரடியான கம்பேக் கொடுத்த சிம்பு அதனை தொடர்ந்து கெளதம் மேனன் இயக்கத்தில் வெந்து தணிந்தது காடு படத்தில் நடித்தார். இந்தப்படம் ரிலீசாகி பெரும் வெற்றியை குவித்தாலும் சிம்பு அடுத்ததாக எந்த புதிய படத்திலும் கமிட்டாகமல் இருக்கிறார். வெந்து தணிந்தது காடு படத்திற்கு முன்பாக அவர் கமிட்டான பத்து தல படம் தற்போது ரிலீசுக்கு தயாராகவுள்ளது. இந்நிலையில் இந்தப்படத்தின் லேட்டஸ்ட் அப்டேட் தற்போது வெளியாகியுள்ளது.

சிம்பு, கெளதம் கூட்டணி மூன்றாவது முறையாக ‘வெந்து தணிந்தது காடு’ படத்தில் இணைந்தது ரசிகர்கள் மத்தியில் எக்கச்சக்க எதிர்பார்ப்பை கிளப்பியது. கடந்த வருடம் வெளியான இந்தப்படம் ரசிகர்களின் எதிர்பார்ப்பை பூர்த்தி செய்து வசூலிலும் மாஸ் காட்டியது. இந்தப்படத்திற்கு கிடைத்த வரவேற்பை தொடர்ந்து ‘வெந்து தணிந்தது காடு’ படத்தின் இரண்டாம் பாகம் உருவாகவுள்ளதாகவும் படக்குழுவினர் அறிவித்துள்ளனர்.

இந்தப்படத்திற்கு முன்பாகவே ‘பத்து தல’ படத்தில் நடிக்க ஒப்பந்தமானார் சிம்பு. கன்னடத்தில் சிவராஜ்குமார் நடிப்பில் வெளியான ‘முஃப்தி’ படத்தின் அபிசியல் ரீமேக்காக இந்தப்படம் உருவாகியுள்ளது. ஸ்டுடியோ கீரின் சார்பாக ஞானவேல் ராஜா தயாரிக்கும் இந்தப்படத்திற்கு ஏ.ஆர். ரஹ்மான் இசையமைத்துள்ளார். கன்னடத்தில் சிவராஜ்குமார் நடித்த தாதா கெட்டப்பில் சிம்பு ‘பத்து தல’ படத்தில் நடித்துள்ளார்.

இந்தப்படத்தில் ஆரம்பத்தில் சிம்புவிற்கு குறைவான காட்சிகளே இருந்தது. ஆனால் படத்தின் மீது அவர் காட்டிய ஆர்வத்தால் அவரின் காட்சிகளை படக்குழுவினர் அதிகப்படுத்தினர். ‘பத்து தல’ படத்தின் ரீமேக்கை ‘சில்லுன்னு ஒரு காதல்’ பட இயக்குனர் கிருஷ்ணா இயக்கியுள்ளார். இந்நிலையில் இந்தப்படத்தின் லேட்டஸ்ட் அப்டேட்டை தற்போது படக்குழுவினர் வெளியிட்டுள்ளனர்.

அதன்படி மார்ச் 3 ஆம் தேதி சர்ப்ரைஸ் அறிவிப்புவுள்ளது என படக்குழுவினர் அறிவித்துள்ளனர். அனேகமாக இது ‘பத்து தல’ படத்தின் டீசர் அல்லது டிரெய்லர் குறித்த அறிவிப்பாக இருக்கும் என கூறப்படுகிறது. ஏற்கனவே இந்தப்படத்தின் முதல் சிங்கிளாக வெளியான ‘நம்ம சத்தம்’ பாடல் ரசிகர்கள் மத்தியில் வரவேற்பை பெற்றிருந்தது. பாடலாசிரியர் விவேக் எழுதியிருந்த இந்தப்பாடலை ஏ.ஆர். ரஹ்மான் பாடியிருந்தார்.

‘பத்து தல’ படத்தில் சிம்புவுடன் இணைந்து பிரதான கதாபாத்திரத்தில் கெளதம் கார்த்திக் நடித்துள்ளார். இந்தப்படம் சினிமாவில் அவருக்கு பிரேக் கொடுக்கும் என கூறப்படுகிறது. மேலும் இந்தப்படத்தில் ப்ரியா பவானி சங்கர், கெளதம் மேனன், மனுஷ்யபுத்திரன், கலையரசன், டிஜே உள்ளிட்டோர் நடிக்கின்றனர். ‘பத்து தல’ படம் வரும் மார்ச் 30 ஆம் தேதி வெளியாகவுள்ளது குறிப்பிடத்தக்கது.

Previous post “மை டியர் சேல்ட்” படத்தில் தந்தையாக நடித்ததற்காக அறியப்பட்ட துனிசிய நடிகர் முகமது த்ரிஃப் காலமானார்.
Next post SA vs WI: ‘கடைசி பந்துவரை ட்விஸ்ட்’…திக் திக் போட்டி: அல்ஜாரி ஜோசப் மிரட்டல்…தென்னாப்பிரிக்கா அதிர்ச்சி தோல்வி!