Now Reading
வங்கி அக்கவுண்டில் நூதன கொள்ளை!
0

வங்கி அக்கவுண்டில் நூதன கொள்ளை!

by Sub EditorMay 3, 2017 2:41 pm

சென்னை புழல் நீலகண்டன் தெருவை சேர்ந்தவர் அல்வின் கிறிஸ்டோபர்.இவர் மயிலாப்பூரில் உள்ள தனியார் நிறுவனத்தில் வேலை செய்து வருகிறார். நிறுவனத்தில் வசூலாகும் பணத்தை மயிலாப்பூர் சாந்தோம் நெடுஞ்சாலையில் உள்ள கோடக் மகேந்திரா வங்கியில் கட்டுவாராம். கடந்த வாரம் வசூலான ரூ.32 ஆயிரத்தை அந்த வங்கியில் கட்டியுள்ளார். அதில் 13 இரண்டாயிரம் ரூபாய் கள்ள நோட்டுக்கள் இருப்பது தெரியவந்தது. அவைகள் ஒரே வரிசை எண்ணில் புத்தம் புதிய நோட்டுகளாக இருந்தது. இதனால் அதிர்ச்சியடைந்த வங்கி ஊழியர்கள், கிறிஸ்டோபரிடம் விசாரித்துள்ளனர். அதற்கு அவர் முறையாக பதில் அளிக்கவில்லை.

இதையடுத்து வங்கியின் மேலாளர் சத்தியநாராயணன், இதுபற்றி மயிலாப்பூர் காவல் நிலையத்தில் புகார் அளித்தார். போலீசார் வழக்கு பதிவு செய்து அல்வின் கிறிஸ்டோபரிடம் தீவிரமாக விசாரித்தனர். கடந்த மாதம் ரூ.2 ஆயிரம் ரூபாய் கள்ளநோட்டுகள் கட்டு கட்டாக கப்பல் மூலம் சென்னை துறைமுகத்திற்கு வந்ததாக மத்திய சுங்கத்துறை அதிகாரிகளுக்கு தகவல் கிடைத்தது. அதன்படி ஒரு வாரம் துறைமுகத்தில் உள்ள அனைத்து கன்டெய்னர்களிலும் தீவிர சோதனை நடத்தப்பட்டது. இதில் கள்ள நோட்டுக்கள் கைப்பற்றப்பட்டதாக தகவல் இல்லை. ஆனால் தற்போது வங்கியில் புத்தம் புதிய 2 ஆயிரம் ரூபாய் கள்ள நோட்டு பிடிபட்டிருப்பது போலீசாருக்கு பல்வேறு சந்தேகத்தை எழுப்பி உள்ளது. இந்த கள்ள நோட்டுகள் குறித்து ரிசர்வ் வங்கி அதிகாரிகளுக்கும் தகவல் தெரிவிக்கப்பட்டுள்ளது. எப்படியெல்லாம் மாத்துறாங்க பாருங்க…நோட்டை….

– ஜெய்

இதையும் படிச்சிருங்க !
பைக்கில் மதுவிற்பனை, கண்டுகொள்ளாத போலீஸ் -   டாஸ்மாக் கடைகள் மூடப்பட்டு வரும் நிலையில் கள்ளச்சந்தையில் மதுவிற்பனை ஜோராக நடந்து வருகிறது. விழுப்புரம் மாவட்டம் சின்னசேலம் காவல்நிலைய எல்லைக்குட்பட்ட பகுதியில் 9 இடங்களில் அரசு Read More

தங்களின் கருத்து ?
மகிழ்ச்சி
0%
வருத்தம்
0%
கோபம்
0%
சிரிப்பு
0%
நக்கல்
0%
விருப்பம்

Leave a Response