Now Reading
லோதாவிடம் விசாரணை – கிலியில் அமைச்சர்கள்!
0

லோதாவிடம் விசாரணை – கிலியில் அமைச்சர்கள்!

by Sub EditorJanuary 13, 2017 8:32 pm

சென்னை கொண்டு வரப்பட்டு விசாரிக்கப்பட்டுக் கொண்டிருக்கும் கல்கத்தா தொழிலதிபர் பரஸ்மல் லோதா சேகர் ரெட்டிக்கு பல கோடி ரூபாய் அளவுக்கு பழைய நோட்டை மாற்றிக் கொடுத்ததாக சி.பி.ஐ -யிடம் வாக்குமூலம் அளித்திருக்கும் நிலையில், ஏற்கனவே சி.பி.ஐ காவலில் விசாரிக்கப்பட்ட சேகர் ரெட்டி மற்றும் அவரது கூட்டாளிகளிடம் இருந்து கூடுதல் தகவல்களை பெறுவதற்காக அவர்களது காவலை மேலும் நீடிக்க சி.பி.ஐ. நீதிமன்றத்தில் அனுமதிகோரி சி.பி.ஐ. தரப்பில் மனு கொடுக்கப்பட்டது. அந்த மனுவை விசாரித்த நீதிபதி, சேகர் ரெட்டி மற்றும் அவரது கூட்டாளிகள் 2 பேர் உள்பட 3 பேரையும் சி.பி.ஐ. காவலில் 2 நாட்கள் எடுத்து விசாரிக்க அனுமதி வழங்கி உத்தரவிட்டார்.

கல்கத்தாவில் கைது செய்யப்பட்ட லோதா விசாரணைக்காக சென்னை கொண்டு வரப்படுகிறார் என்ற செய்திகள் கசிந்தவுடனேயே பல முன்னாள் அமைச்சர்களுக்கும், இன்னாள் அமைச்சர்களுக்கும் கிலி பிடித்து விட்டது. காரணம் சேகர் ரெட்டி ஏற்கனவே சி.பி.ஐ விசாரணையில் கொடுத்த தகவல்களின் அடிப்படையில் தான் லோதாவை விசாரிக்க முடிவு செய்தது சி.பி.ஐ. சென்னையில் சேகர் ரெட்டியிடம் விசாரணை நடந்த போது மும்பை சி.பி.ஐ லோதாவை விசாரித்தது.

இந்த இரு விசாரணை அறிக்கைகளையும் ஆய்வு செய்த அதிகாரிகள் சேகர் ரெட்டி தமிழக முன்னாள், இன்னாள் அமைச்சர்கள் சிலரின் கோடிக்கணக்கான ரூபாயை பரஸ்மல் லோதா மூலமாக மாற்றிக் கொண்டது தெரியவந்துள்ளது. இந்த விசாரணையின் அடுத்தக் கட்டமாக சென்னையில் விசாரணை நடத்தப்பட்ட வேண்டும் என்ற முடிவின் படி லோதாவை சென்னைக்கு கொண்டு வந்த நீதிமன்ற அனுமதியுடன் லோதாவிடம் விசாரித்த போது பல கோடி அளவுக்கு பணம் மாற்றிக்கொ டுத்ததை ஒப்புக் கொண்டிருக்கிறாராம். இந்த நிலையில், சி.பி.ஐ.யின் அடுத்தக்கட்ட பார்வை சில அரசியல் பிரமுகர்கள் மீதே திரும்பும் என்கிறார்கள் அதிகாரிகள். முன்னாள் அதிமுக அமைச்சரவையில் ஐவர் என்று பவர் புல் அமைச்சர்களாக வலம் வந்தவர்களே இந்த கிலிக்கு ஆளாகியிருக்கிறார்கள்.

– மாதேஷ்

இதையும் படிச்சிருங்க !
பைக்கில் மதுவிற்பனை, கண்டுகொள்ளாத போலீஸ் -   டாஸ்மாக் கடைகள் மூடப்பட்டு வரும் நிலையில் கள்ளச்சந்தையில் மதுவிற்பனை ஜோராக நடந்து வருகிறது. விழுப்புரம் மாவட்டம் சின்னசேலம் காவல்நிலைய எல்லைக்குட்பட்ட பகுதியில் 9 இடங்களில் அரசு Read More

தங்களின் கருத்து ?
மகிழ்ச்சி
0%
வருத்தம்
0%
கோபம்
0%
சிரிப்பு
0%
நக்கல்
0%
விருப்பம்

Leave a Response