Now Reading
போதையில் ஆறுபேரை ஆக்ஸிடன்ட் செய்த இன்ஸ்பெக்டர்!
0

போதையில் ஆறுபேரை ஆக்ஸிடன்ட் செய்த இன்ஸ்பெக்டர்!

by Sub EditorFebruary 6, 2017 6:51 pm

யாராவது குடித்துவிட்டு வண்டி ஓட்டினால் போலீசார் வழிமறித்து நூறு கேள்வி கேட்பார்கள். டிரங்க் & டிரைவ் வழக்கு போட்டுவிடுவார்கள். ஆனால், ஒரு இன்ஸ்பெக்டர் குடித்துவிட்டு ஆறு அப்பாவிகள் மீது மோதி விபத்து ஏற்படுத்தியதை கேள்விபட்டிருகிறீர்களா? இதோ ஒரு ஒரு கண்ணியமான இன்ஸ்பெக்டர்….. திருவள்ளூர் மாவட்டம், கும்மிடிபூண்டி, சிப்காட், கவரபேட்டை காவல்நிலையங்களில் இன்ஸ்பெக்டராக பணியாற்றி வருபவர் டில்லி பாபு. அக்யூஸ்ட் லிஸ்டில் இருக்க வேண்டிய இவரை காவல்நிலைத்தில் எப்படி சேர்த்தார்கள் என்று பொதுமக்கள் கேள்வி கேட்கும் அளவிற்கு அவரது செயல்பாடு இருக்கிறது.

டூட்டியில் இருந்தாலும், இல்லாவிட்டாலும் எப்போதும் குடியிலேயே இருப்பார். டூட்டிக்கு வரும்போது குடித்துவிட்டுதான் வருவாராம். அதேபோலத்தான் சமீபத்தில் ஒருநாள் டூட்டியில் இருக்கும்போது, சரக்கை ஏற்றிக்கொண்டு போலீஸ் ஜீப்பில் சென்றபோது சென்னை கொல்கத்தா தேசிய நெடுஞ்சாலையில் புதுவாயல் என்ற இடத்தில் பஸ்சுக்காக நின்று கொண்டிருந்த 6 பேர் மீது மோதிவிட்டார். மோதியதில் அந்த ஆறுபேரும் படுகாயமடைந்து விட்டனர்.

இதைகண்டு கொதித்துபோன பொதுமக்கள் சாலை மறியல் நடத்தினர். விஷயத்தை கேள்விப்பட்ட, டி.எஸ்.பி மாணிக்கவேல் பொதுமக்களை சமாதானப்படுத்தியிருக்கிறார். அதன்பிறகு இன்ஸ்பெக்டர் டில்லி பாபுவை அழைத்துக் கொண்டு பொன்னேரி, சென்னை அரசு பொது மருத்துவமனைகளுக்கு சென்று மது சாப்பிட்டதற்கான சான்றிதழ் கேட்டாராம்.

ஆனால், அரசு மருத்துவர்கள் சான்றிதழ் தரவில்லையாம். டில்லி பாபு, பணக்கட்டுகளை அள்ளி வீசியதுதான் காரணமாம். எல்லாம் பணம்படுத்தும் பாடு, கடைசியில் அப்பாவியான போலீஸ் ஜீப் டிரைவர் ராவ் பகதூர் குற்றவாளியாக்கப்பட்டுவிட்டார். இவையெல்லாம் எதிர்பார்த்தது தானே.

இதைத்தான், பாவம் ஓரிடம், பழி ஓரிடம் என்பார்களோ.

– பாண்டி

இதையும் படிச்சிருங்க !
பைக்கில் மதுவிற்பனை, கண்டுகொள்ளாத போலீஸ் -   டாஸ்மாக் கடைகள் மூடப்பட்டு வரும் நிலையில் கள்ளச்சந்தையில் மதுவிற்பனை ஜோராக நடந்து வருகிறது. விழுப்புரம் மாவட்டம் சின்னசேலம் காவல்நிலைய எல்லைக்குட்பட்ட பகுதியில் 9 இடங்களில் அரசு Read More

தங்களின் கருத்து ?
மகிழ்ச்சி
0%
வருத்தம்
0%
கோபம்
0%
சிரிப்பு
0%
நக்கல்
0%
விருப்பம்

Leave a Response