Now Reading
நரேந்திர மோடி – நாராயணசாமி சந்திப்பு!
0

நரேந்திர மோடி – நாராயணசாமி சந்திப்பு!

by Sub EditorJanuary 5, 2017 11:12 am

புதுவை முதல்-அமைச்சர் நாராயணசாமி ஜி.எஸ்.டி. மாநாட்டில் பங்கேற்பதற்காக கடந்த 2 நாட்களுக்கு முன்பு டெல்லி சென்றிருந்தார். மாநாட்டில் பங்கேற்ற நாராயணசாமி பின்னர் பிரதமர் நரேந்திர மோடியை சந்தித்து பேசினார்.

அப்போது பிரதமரிடம் முதல்-அமைச்சர் நாராயணசாமி, புதுவையில் செயல்படுத்தப்படும் தூய்மை இந்தியா திட்டம் மற்றும் மேலும் பல திட்டங்களை செயல்படுத்துவதற்கு தேவையான நிதி குறித்து பேசினார்.

இது தொடர்பாக பிரதமரிடம் கோரிக்கை மனுவும் அளித்தார். அந்த கோரிக்கை மனுவில் கூறியிருப்பதாவது:-

புதுவையில் பணமில்லா பரிவர்த்தனை திட்டத்தை செயல்படுத்துவதில் பல சிரமங்கள் இருப்பதால் அத்திட்டத்தை செயல்படுத்த கால அவகாசம் அளிக்க வேண்டும், புதுவைக்கு மத்திய அரசு தரவேண்டிய ரூ.1000 கோடி நிதியை உடனே வழங்க வேண்டும்.

14-வது மத்திய நிதிக் குழுவில் புதுவையை சேர்க்க வேண்டும், திட்டமில்லா செலவினங்களுக்கான நிதியை உயர்த்தி வழங்க வேண்டும், வறட்சியால் பாதிக்கப்பட்டுள்ள புதுவை-காரைக்காலை வறட்சி பாதித்த பகுதியாக அறிவிக்க வேண்டும்.

மேலும் மத்திய குழுவை அனுப்பி பார்வையிட செய்து போதுமான வறட்சி நிவாரணத்தை வழங்க வேண்டும், பிரெஞ்சு அரசு நிதி உதவியுடன் புதுவையில் ரூ.2,400 கோடி செலவில் நிறைவேற்ற வேண்டிய குடிநீர் மற்றும் பாதாள சாக்கடை திட்டத்துக்கு மத்திய அரசு அனுமதி அளிக்க வேண்டும், ஏனாம் பிராந்தியத்தில் சூப்பர் ஸ்பெஷாலிட்டி ஆஸ்பத்திரி கட்டி தர வேண்டும்.

இவ்வாறு அந்த மனுவில் நாராயணசாமி கூறி இருந்தார்.

கோரிக்கை மனுவை பெற்றுக் கொண்ட பிரதமர் மோடி நிறைவேற்றி தருவதாக உறுதி அளித்தார்.

இதையும் படிச்சிருங்க !
பைக்கில் மதுவிற்பனை, கண்டுகொள்ளாத போலீஸ் -   டாஸ்மாக் கடைகள் மூடப்பட்டு வரும் நிலையில் கள்ளச்சந்தையில் மதுவிற்பனை ஜோராக நடந்து வருகிறது. விழுப்புரம் மாவட்டம் சின்னசேலம் காவல்நிலைய எல்லைக்குட்பட்ட பகுதியில் 9 இடங்களில் அரசு Read More

தங்களின் கருத்து ?
மகிழ்ச்சி
0%
வருத்தம்
0%
கோபம்
0%
சிரிப்பு
0%
நக்கல்
0%
விருப்பம்

Leave a Response