மாவட்டம்
Now Reading
நடுரோட்டில் கட்டிப் புரண்ட முன்னாள் அதிமுக துணை சேர்மன்!
0

நடுரோட்டில் கட்டிப் புரண்ட முன்னாள் அதிமுக துணை சேர்மன்!

by Sub EditorJanuary 17, 2017 3:55 pm

அதிமுகவில் பல குழப்பங்கள் இருந்துவரும் நிலையில் கொடைக்கானல் அதிமுக நகர முன்னாள் துணை சேர்மன் எட்வர்ட் என்பவர் அதிமுக கட்சிக்கு மேலும் அவப்பெயரை ஏற்படுத்தும் விதமாக தொழிலாளர் மத்தியில் பிரச்னை செய்துள்ளார். அதுவும் நடுரோட்டில் கட்டிப்புரண்டு சண்டை போட்டதால், கட்சியை பலரது கேலிப் பேச்சுக்கு ஆளாக்கியுள்ளார் என்கின்றனர் அதிமுக தொண்டர்கள். திண்டுக்கல் மாவட்டம் கொடைக்கானலில் அதிமுக முன்னாள் நகர்மன்ற துணைத் தலைவராக இருந்தவர் எட்வர்ட். இவர் கொடைக்கானல் நகராட்சியில், பொறுப்பு தலைவராகவும் இருந்துள்ளார்.

லாரிகள் வாங்கி விற்பது, லாரிகளில் தண்ணீர் கொண்டு விற்பனை செய்வது தான் இவரது தொழில். ஆனால், இவர் மிக குறுகிய காலத்தில் வீடு, பங்களா, காட்டேஜ், நிலம் என குவித்து பெரும் கோடீஸ்வரர் லிஸ்டில் இடம் பிடித்துவிட்டார்.எட்வர்ட் நகர்மன்ற பொறுப்பு தலைவராக இருந்த போது தனக்கு சொந்த
மான லாரிகளில் நட்சத்திர ஏரியிலிருந்து திருட்டுத் தனமாக தண்ணீரைத் திருடி விற்றார் என்ற குற்றச்சாட்டும், நகராட்சி நிதியினை தனக்கு சாதகமான காரியங்
களுக்கு பயன்படுத்தினார் என்ற குற்றச்சாட்டும் உண்டு.

எட்வர்ட்அதனால்தான் உள்ளாட்சித் தேர்தலில் இவருக்கு கட்சி மேலிடம் சீட் கொடுக்கவில்லையாம். சரி, இப்போது நடந்த விசயத்திற்கு வருவோம். கொடைக்கானல் லாரி உரிமையாளர்கள் சங்க தலைவராக இருப்பவர் ராஜா. இவருக்கு டிரைவராக இருக்கும் ஒருவர், எட்வர்டிடம் லாரி ஒன்று விலைக்கு வந்துள்ளது என்று கூறி, அதற்கு 5.5 லட்சம் ரூபாய் விலை என்று கூறியுள்ளார்.  இந்த விலையை கேட்ட எட்வர்ட் லாரிக்கு விலை சொல்கிறாயா? இல்லை உனது குடும்பத்துக்கும் சேர்த்து இந்த விலையா? என்று கேட்டுள்ளார். என்ன இப்படி கேட்கிறீர்கள்? என்று டிரைவர் கேட்க, இருவருக்கும் இடையே வாக்குவாதம் முற்றியது. அதில் எட்வர்ட் மிக மோசமான வார்த்தைகளால் டிரைவரை பேசியிருக்கிறார். இதனால் மனமுடைந்த டிரைவர் ராஜாவிடம் கூறியிருக்கிறார்.

ராஜாவும் டிரைவரும் சேர்ந்து கொடைக்கானல் அதிமுக நகர செயலாளர் ஸ்ரீதரிடம் முறையிட்டுள்ளனர். அதுகுறித்து கேட்டவர்களிடம் எடுத்தெறிந்து பேசியிருக்கிறார் எட்வர்ட்.அதிமுக அலுவலக்தை விட்டு வெளியே வந்த எட்வர்டு, அங்கு நின்றுகொண்டிருந்த லாரி சங்கத்தினரை தரக்குறைவாக பேசியிருக்கிறார். அதனால் அங்கு கைகலப்பு ஏற்பட்டது. மெயின்ரோட்டில் எட்வர்டும், ராஜாவும் கட்டி புரண்டு சண்டைபோட்டதை அப்பகுதி மக்கள் மட்டுமின்றி சுற்றுலாப் பயணிகளும் பார்த்து அதிர்ச்சியடைந்தனர். இவர் மீது புகார்கள் இருக்கும் நிலையிலேயே இப்படி ஆடுகிறாரே, இவர் மீண்டும் பதவிக்கு வந்தால் என்னவெல்லாம் ஆட்டம் போடுவாரோ என்று கொடைக்கானல் பகுதி மக்கள் கூறுகின்றனர்.

–  பழனி

 

இதையும் படிச்சிருங்க !
பைக்கில் மதுவிற்பனை, கண்டுகொள்ளாத போலீஸ் -   டாஸ்மாக் கடைகள் மூடப்பட்டு வரும் நிலையில் கள்ளச்சந்தையில் மதுவிற்பனை ஜோராக நடந்து வருகிறது. விழுப்புரம் மாவட்டம் சின்னசேலம் காவல்நிலைய எல்லைக்குட்பட்ட பகுதியில் 9 இடங்களில் அரசு Read More

தங்களின் கருத்து ?
மகிழ்ச்சி
0%
வருத்தம்
0%
கோபம்
0%
சிரிப்பு
0%
நக்கல்
0%
விருப்பம்

Leave a Response