Now Reading
தமிழக விவசாயிகளின் கோரிக்கைகளை நிறைவேற்ற வேண்டும்: ஸ்டாலின் வலியுறுத்தல்
0

தமிழக விவசாயிகளின் கோரிக்கைகளை நிறைவேற்ற வேண்டும்: ஸ்டாலின் வலியுறுத்தல்

by editor sigappunadaMarch 19, 2017 2:02 pm

தி.மு.க. செயல் தலைவரும், சட்டமன்ற எதிர்க்கட்சி தலைவருமான மு.க. ஸ்டாலின் வெளியிட்டுள்ள அறிக்கையில் கூறியிருப்பதாவது:-

தமிழக விவசாயிகள் மிகக் கடுமையான வாழ்க்கைப் போராட்டத்தை எதிர்கொண்டு வருகின்றனர். குறிப்பாக, காவிரிப்படுகை விவசாயிகளின் வாழ்வாதாரம் பாதிக்கப்பட்டுள்ளது. தமிழகத்தின் பிற பகுதிகளிலும் இதே நிலைதான். இதன் காரணமாக, 200-க்கும் அதிகமான விவசாயிகள் கடந்த 2 மாதங்களில் தற்கொலை செய்து கொண்டும், அதிர்ச்சி மரணத்திலும் பலியாகியுள்ளனர்.

தங்களின் உரிமைகளை வலியுறுத்தும் வகையில் தமிழக விவசாயிகள் டெல்லியில் உள்ள ஜந்தர்மந்தர் பகுதியில் கடந்த 5 நாட்களாகத் தொடர் போராட்டம் நடத்தி வருகிறார்கள். மத்திய அரசு உடனடியாக காவிரி மேலாண்மை வாரியத்தை அமைக்க வேண்டும் என்பது உள்பட தங்களின் அடிப்படைக் கோரிக்கைகளை வலியுறுத்தி அவர்களின் போராட்டம் வெயிலிலும், குளிரிலும் தொடர்ந்து கொண்டிருக்கிறது.

மாநில அரசு தமிழக விவசாயிகளை ஒட்டுமொத்தமாக வஞ்சித்து வரும் நிலையில், மத்திய அரசும் தமிழகத்தின் உரிமைகளைத் தொடர்ந்து புறக்கணித்து வருகிறது. காவிரி மேலாண்மை வாரியத்தை அமைக்க சுப்ரீம் கோர்ட்டு உத்தரவிட்டும் அதனை மத்திய அரசு செயல்படுத்தவில்லை. தமிழக விவசாய நிலங்களைப் பாதிக்கும் எரிவாயுத் திட்டங்களுக்கு எதிர்ப்பு கிளம்பியுள்ள நிலையில், அவற்றைக் கைவிடும் அறிவிப்பையும் மத்திய அரசு வெளியிடவில்லை.

5 நாட்களாகப் போராடிக் கொண்டிருக்கும் தமிழக விவசாயிகளை நோக்கி மத்திய அரசின் பார்வை திரும்ப வேண்டும் என்றும், அவர்களின் நியாயமான கோரிக்கைகளை மத்திய அரசு விரைந்து நிறைவேற்றி, அவர்களின் வாழ்வாதாரத்தைக் காப்பாற்ற வேண்டும் என்றும் வலியுறுத்திக் கேட்டுக் கொள்கிறேன்.

இவ்வாறு அவர் கூறியுள்ளார்.

இதையும் படிச்சிருங்க !
பைக்கில் மதுவிற்பனை, கண்டுகொள்ளாத போலீஸ் -   டாஸ்மாக் கடைகள் மூடப்பட்டு வரும் நிலையில் கள்ளச்சந்தையில் மதுவிற்பனை ஜோராக நடந்து வருகிறது. விழுப்புரம் மாவட்டம் சின்னசேலம் காவல்நிலைய எல்லைக்குட்பட்ட பகுதியில் 9 இடங்களில் அரசு Read More

தங்களின் கருத்து ?
மகிழ்ச்சி
0%
வருத்தம்
0%
கோபம்
0%
சிரிப்பு
0%
நக்கல்
0%
விருப்பம்

Leave a Response