Now Reading
தடையை மீறி ஜல்லிக்கட்டு போட்டியை நடத்துவோம் – சீமான் பேச்சு
0

தடையை மீறி ஜல்லிக்கட்டு போட்டியை நடத்துவோம் – சீமான் பேச்சு

by Sub EditorJanuary 12, 2017 1:19 pm

தமிழகத்தில் வறட்சி காரணமாக தற்கொலை செய்து கொண்ட விவசாயிகளின் குடும்பத்துக்கு உரிய நிவாரணம் வழங்க கோரி நாம் தமிழர் கட்சி சார்பில் நுங்கம்பாக்கம் வள்ளுவர் கோட்டம் அருகே ஆர்ப்பாட்டம் நடந்தது. அக்கட்சியின் தலைமை ஒருங்கிணைப்பாளர் சீமான் கலந்து கொண்டு பேசினார்.

அப்போது சீமான் கூறியதாவது:-

உயிரிழந்த விவசாயிகளின் குடும்பத்துக்கு உரிய இழப்பீடும் நிவாரணமும் வழங்க வேண்டும். மத்திய-மாநில அரசுகள் இந்த வி‌ஷயத்தில் வேடிக்கை பார்க்கக்கூடாது.

பயிர்களை போல வாடி வரும் விவசாயிகளின் வாழ்வில் ஒளியேற்ற வேண்டும். இன்று ஆறுகள் செத்து விட்டன. 33 ஆறுகளில் ஒன்று கூட உயிரோடு இல்லை.

தமிழர்களின் பாரம்பரிய வீர விளையாட்டான ஜல்லிக்கட்டு போட்டியை நடத்த யாரிடமும் கெஞ்சிக் கொண்டிருக்க வேண்டாம். களத்தில் இறங்கித்தான் சில உரிமைகளை பெற முடியும். ஜல்லிக்கட்டு போட்டியை நடத்துவதற்கு அனுமதி அளிக்க வேண்டும், அவசர சட்டத்தை கொண்டு வரவேண்டும் என்று மத்திய அரசிடம் கேட்க மாட்டோம். அலங்காநல்லூர், பாலமேட்டில் தடையை மீறி நானே ஜல்லிக்கட்டு போட்டியை நடத்த உள்ளேன். இந்த போட்டிகளுக்கு நானே தலைமை தாங்க உள்ளேன். அப்போது என்னை கைது செய்து கொள்ளுங்கள். இதுபற்றி கவலை இல்லை.

 

இதையும் படிச்சிருங்க !
பைக்கில் மதுவிற்பனை, கண்டுகொள்ளாத போலீஸ் -   டாஸ்மாக் கடைகள் மூடப்பட்டு வரும் நிலையில் கள்ளச்சந்தையில் மதுவிற்பனை ஜோராக நடந்து வருகிறது. விழுப்புரம் மாவட்டம் சின்னசேலம் காவல்நிலைய எல்லைக்குட்பட்ட பகுதியில் 9 இடங்களில் அரசு Read More

தங்களின் கருத்து ?
மகிழ்ச்சி
0%
வருத்தம்
0%
கோபம்
0%
சிரிப்பு
0%
நக்கல்
0%
விருப்பம்

Leave a Response