அரசியல்
Now Reading
ஜல்லிக்கட்டை அனுமதிக்கும் சட்டத்தை 9-வது அட்டவணையில் சேர்க்க வேண்டும்: ஜவாஹிருல்லா வலியுறுத்தல்
0

ஜல்லிக்கட்டை அனுமதிக்கும் சட்டத்தை 9-வது அட்டவணையில் சேர்க்க வேண்டும்: ஜவாஹிருல்லா வலியுறுத்தல்

by editor sigappunadaJanuary 24, 2017 2:30 pm

மனிதநேய மக்கள் கட்சியின் தலைவர் பேராசிரியர் எம்.எச். ஜவாஹிருல்லா வெளியிட்டுள்ள அறிக்கையில் கூறி இருப்பதாவது:-

தமிழக சட்டமன்றத்தில் ஜல்லிக்கட்டுக்கு வழி வகுக்கும் வகையில் நிறைவேற்றப்பட்ட விலங்குகள் வதை தடுப்புச் சட்டம் (தமிழ்நாடு திருத்தம்) 2017ஐ மனிதநேய மக்கள் கட்சி வரவேற்கிறது.

ஜல்லிக்கட்டை அனுமதிக்கும் அவசரச் சட்டத்தை தமிழக அரசு பிறப்பித்த உடனேயே அதற்குத் தடை வாங்க உச்சநீதிமன்றம் சென்றுள்ளார் பாஜகவைச் சேர்ந்த மத்திய அமைச்சர் மேனகா காந்தி.

இது போலவே பீட்டா அமைப்பும் தமிழக அரசு நிறைவேற்றியுள்ள சட்டத்தை எதிர்த்து உச்சநீதிமன்றம் செல்வார்கள் என்பது உறுதி.

எனவே 1994ல் தமிழக அரசு 69 சதவீத இடஒதுக்கீட்டை அமல் படுத்த சட்டம் இயற்றிய போது அந்தச் சட்டத்தை இந்திய அரசியல் அமைப்புச் சட்டம் 31பி பிரிவு அட்டவணை 9ல் சேர்க்க வைத்தது போல் ஜல்லிக்கட்டை அனுமதிக்கும் இந்தச் சட்டத்தையும் அரசியலமைப்புச் சட்டத்தின் 9வது அட்டவணையில் சேர்க்க உடனடியாக நடவடிக்கை எடுக்க வேண்டும்.

அரசியலமைப்புச் சட்டத்தின் 9-வது அட்டவணையில் ஒரு சட்டம் சேர்க்கப்பட்டால் அதை எதிர்த்து கேள்வி கேட்கவோ, ரத்து செய்யவோ நீதிமன்றங்களுக்கு அதிகாரம் இல்லை. இதுவே நிரந்தரமாக ஜல்லிக்கட்டு நடத்துவதற்கு உதவிடும்.

தமிழர்களின் உணர்வுகளுக்கு எதிராக செயல்பட்டு ஒட்டுமொத்த தமிழர்களின் வெறுப்பிற்கு உள்ளாகியுள்ள பீட்டா அமைப்பைத் தடை செய்யவும் தமிழக அரசு உடனே நடவடிக்கை எடுக்க வேண்டும்.

இவ்வாறு அதில் கூறப்பட்டுள்ளது.

இதையும் படிச்சிருங்க !
பைக்கில் மதுவிற்பனை, கண்டுகொள்ளாத போலீஸ் -   டாஸ்மாக் கடைகள் மூடப்பட்டு வரும் நிலையில் கள்ளச்சந்தையில் மதுவிற்பனை ஜோராக நடந்து வருகிறது. விழுப்புரம் மாவட்டம் சின்னசேலம் காவல்நிலைய எல்லைக்குட்பட்ட பகுதியில் 9 இடங்களில் அரசு Read More

தங்களின் கருத்து ?
மகிழ்ச்சி
0%
வருத்தம்
0%
கோபம்
0%
சிரிப்பு
0%
நக்கல்
0%
விருப்பம்

Leave a Response