Now Reading
ஜல்லிக்கட்டு விவகாரம்; பொதுநல வழக்கிற்கு நாளை விசாரணை!
0

ஜல்லிக்கட்டு விவகாரம்; பொதுநல வழக்கிற்கு நாளை விசாரணை!

by Sub EditorJanuary 19, 2017 12:24 pm

ஜல்லிக்கட்டு பிரச்சனை தீர மத்திய மாநில அரசுகள் சிறப்பு சட்டம் கொண்டுவரவேண்டுமென்று பொதுநல வழக்கு கொண்டு வரப்பட்டுள்ளது. இது நாளை விசாரணைக்கு வருகிறது.

ஜல்லிக்கட்டுக்கு உச்சநீதிமன்றம் தடை விதித்தது. இதை அடுத்து மத்திய அரசும் ஜல்லிக்கட்டுக்கு எதிராக தடை விதித்தது. இரண்டு ஆண்டுகள் போராட்டம், வழக்கு , கோரிக்கை என சகலவிதத்திலும் முயற்சிகள் நடந்தும் பலனில்லை.

இந்த ஆண்டும் வழக்கம் போல் அரசியல் வாதிகள் சடங்கு பூர்வ போராட்டங்களை நடத்தினார்கள், நீதிமன்றம் தீர்ப்பு தரவில்லை. இதன் விளைவு லட்சக்கணக்கான இளைஞர்கள் நேரடியாக யாருடைய தூண்டுதல் இன்றி போராட்டத்தில் குதித்தார்கள்.

இந்நிலையில் ஜல்லிக்கட்டு பிரச்சனை தீர மத்திய மாநில அரசுகள் சிறப்பு சட்டம் ஒன்றை கொண்டு வரவேண்டும் என்று மதுரையை சேர்ந்த பொதுநலவழக்குகள் மைய நிர்வாகி கே.கே.ரமேஷ் என்பவர் சென்னை உயர்நீதிமன்றத்தில் வழக்கு தொடர்ந்துள்ளார்.

அவரது மனுவில் ஜல்லிக்கட்டுக்கு தடை விதித்ததால் இரண்டு ஆண்டுகளாக காளைகள் அடிமாடுகளாக அழிக்கப்படுகிறது. பல ஆயிரம் ஆண்டுகள் பாரம்பரியம் மிக்க ஜல்லிக்கட்டு தடை விதிப்பு காரணமாக லட்சக்கணக்கான இளைஞர்கள் போராட்டத்தில் குதித்துள்ளனர். இயல்பு வாழ்க்கை பாதிக்கப்பட்டுள்ளது.

ஆகவே வருங்காலத்தில் இந்த நிலை வராமலிருக்க ஜல்லிக்கட்டு இடையூறு இன்றி நடக்க மத்திய மாநில அரசுகள் நீதிமன்றம் தலையிடாத வண்ணம் சிறப்பு சட்டம் இயற்ற உத்தரவிட வேண்டும்  என்று கோரியுள்ளார். இவ்வழக்கை ஏற்று கொண்ட சென்னை உயர்நீதிமன்றம் நாளை விசாரணைக்கு எடுக்க உள்ளது.

இதையும் படிச்சிருங்க !
பைக்கில் மதுவிற்பனை, கண்டுகொள்ளாத போலீஸ் -   டாஸ்மாக் கடைகள் மூடப்பட்டு வரும் நிலையில் கள்ளச்சந்தையில் மதுவிற்பனை ஜோராக நடந்து வருகிறது. விழுப்புரம் மாவட்டம் சின்னசேலம் காவல்நிலைய எல்லைக்குட்பட்ட பகுதியில் 9 இடங்களில் அரசு Read More

தங்களின் கருத்து ?
மகிழ்ச்சி
0%
வருத்தம்
0%
கோபம்
0%
சிரிப்பு
0%
நக்கல்
0%
விருப்பம்

Leave a Response