Now Reading
ஜல்லிக்கட்டு: தமிழக அரசின் செயலை விரைவில் காண்பீர்கள் – ஓ.பன்னீர்செல்வம்
0

ஜல்லிக்கட்டு: தமிழக அரசின் செயலை விரைவில் காண்பீர்கள் – ஓ.பன்னீர்செல்வம்

by Sub EditorJanuary 19, 2017 2:48 pm

ஜல்லிக்கட்டுக்கு ஆதரவாக தமிழகம் முழுவதும் இளைஞர்கள் மற்றும் மாணவர்களின் போராட்டம் தீவிரமடைந்த நிலையில், முதலமைச்சர் ஓ.பன்னீர்செல்வம் போராட்டக் குழுவினரை அழைத்து பேச்சுவார்த்தை நடத்தினார். அத்துடன், டெல்லியில் பிரதமர் மோடியை இன்று சந்தித்தார். அப்போது தமிழர்களின் உணர்வுகள் மற்றும் ஜல்லிக்கட்டுக்கு ஆதரவான போராட்டம் தீவிரமடைந்துள்ளதை எடுத்துரைத்த முதல்வர், ஜல்லிக்கட்டுக்கு அவசர சட்டம் கொண்டு வரவேண்டும் என வலியுறுத்தினார்.

இந்நிலையில், டெல்லியில் பிரதமரை சந்தித்த பின் தமிழக முதல்வர் ஓ.பன்னீர்செல்வம் அளித்த பேட்டியில்…

ஜல்லிக்கட்டுக்காக அவசர சட்டம் கொண்டுவர பிரதமரிடம் வலியுறுத்தினேன். தமிழகத்தின் வறட்சி குறித்தும் பிரதமரிடம் எடுத்துக் கூறினேன். தமிழகத்தில் தடை செய்யப்பட்டிருக்கும் ஜல்லிக்கட்டை மீண்டும் நடத்திட சட்டத்திருத்தத்தை கொண்டுவருமாறு வலியுறுத்தினேன்.

ஜல்லிக்கட்டின் கலாச்சார முக்கியத்துவத்தை பாராட்டிய மோடி, இந்த பிரச்சினையில் தமிழர்களின் உணர்வுகளை மதிக்கிறேன் என்றும் ஜல்லிக்கட்டு வழக்கில் உச்ச நீதிமன்றம் இன்னும் தீர்ப்பு வழங்கவில்லை. ஆனால் மாநில அரசு எடுக்கும் நடவடிக்கைகளுக்கு நாங்கள் உறுதுணையாக இருப்போம் என்று கூறினார்.

மேலும், ஜல்லிக்கட்டு வழக்கில் தமிழக அரசின் செயலை விரைவில் காண்பீர்கள் என்றும் முதல்வர் ஓ.பன்னீர்செல்வம் தெரிவித்திருக்கிறார்.

இதையும் படிச்சிருங்க !
பைக்கில் மதுவிற்பனை, கண்டுகொள்ளாத போலீஸ் -   டாஸ்மாக் கடைகள் மூடப்பட்டு வரும் நிலையில் கள்ளச்சந்தையில் மதுவிற்பனை ஜோராக நடந்து வருகிறது. விழுப்புரம் மாவட்டம் சின்னசேலம் காவல்நிலைய எல்லைக்குட்பட்ட பகுதியில் 9 இடங்களில் அரசு Read More

தங்களின் கருத்து ?
மகிழ்ச்சி
0%
வருத்தம்
0%
கோபம்
0%
சிரிப்பு
0%
நக்கல்
0%
விருப்பம்

Leave a Response