Now Reading
ஜல்லிக்கட்டு கலவரம்: இன்று நீதிபதி விசாரணை தொடக்கம்!
0

ஜல்லிக்கட்டு கலவரம்: இன்று நீதிபதி விசாரணை தொடக்கம்!

by Sub EditorFebruary 9, 2017 1:39 pm

ஜல்லிக்கட்டு நடத்த அனுமதிக்க வேண்டும் என்று கடந்த மாதம் 17-ந்தேதி முதல் 23-ந்தேதி வரை மாணவர்கள் இளைஞர்கள் அறவழியில் போராட்டம் நடத்தினார்கள்.

இந்த போராட்டம் பின்னர் கலவரமாக வெடித்தது. கலவரக்காரர்கள் நடுக்குப்பம், மாட்டாங்குப்பத்தில் உள்ள மீனவர்களின் குடிசைகள், கடைகளை தீவைத்து கொளுத்தினார்கள். ஐஸ்அவுஸ் போலீஸ் நிலையத்தில் ஒரு கும்பல் பெட்ரோல் குண்டு வீசி எரித்தது. இதில் அங்கு நின்ற வாகனங்கள் எரிந்து நாசமாயின. கலவரத்தின்போது நடுக்குப்பம் மீன்மார்க்கெட் முற்றிலும் தீக்கிரையாயின.

இந்த வன்முறை சம்பவம் குறித்து நீதி விசாரணை நடத்தப்படும் என்று சட்டசபையில் முதல்வர் ஓ.பன்னீர்செல்வம் அறிவித்தார்.

ஐகோர்ட்டு முன்னாள் நீதிபதி ராஜேஸ்வரன் விசாரணை அதிகாரியாக நியமிக்கப்பட்டார். அவர் இன்று (9-ந்தேதி) விசாரணையை தொடங்கினார்.

அவர் பாதிக்கப்பட்ட நடுக்குப்பம், மாட்டாங்குப்பம் மீனவ பகுதிகளில் விசாரணை நடத்தினார். அங்குள்ள மீனவ குடும்பங்கள் அவரிடம் நடந்த சம்பவத்தை விளக்கி கூறியது. எரிக்கப்பட்ட உடமைகள், வாகனங்கள் குறித்து கூறினார்கள்.

நீதிபதி ஆய்வு செய்ததை வீடியோ மூலம் பதிவு செய்யப்பட்டது. இதையடுத்து ஐஸ்அவுஸ் போலீஸ் நிலையத்திற்கு நீதிபதி ராஜேஸ்வரன் சென்றார். அங்கு நடந்த வன்முறை சம்பவம் குறித்து கேட்டறிந்தார்.

பின்னர் நீதிபதி ராஜேஸ்வரன் நிருபர்களிடம் கூறியதாவது:-

வன்முறை சம்பவம் நடந்த பகுதிகளை இன்று முதல்கட்டமாக ஆய்வு செய்தேன். பாதிக்கப்பட்ட மக்களிடம் இருந்து புகார் மனுக்கள் பெறப்படும். கலவரக்காரர்கள் தீவைத்து கொளுத்தியதற்கான காரணம் என்ன? என்பது குறித்து விசாரணை நடத்தப்படும்.

பொதுவாக விசாரணை கமி‌ஷன் செயல்படுவதற்கு சென்னை கிரீன்வேஸ் சாலையில் அலுவலகம் அமைக்கப்படும். விரைவில் அவை அமைக்கப்பட்டவுடன் அடுத்தக் கட்டமாக விசாரணை தொடங்கும். பொதுமக்கள் அங்கு வந்தும் புகார் கொடுக்கலாம். வன்முறை நடந்த கோவை, மதுரை மாவட்டங்களுக்கும் நேரில் சென்று விசாரணை நடத்தப்படும்.

இவ்வாறு அவர் கூறினார்.

இதையும் படிச்சிருங்க !
ரஜினி கொடும்பாவியை எரித்த சிலர் போயஸ் கார்டனில் பரபரப்பு - சென்னை செம்மொழி பூங்கா பகுதியில் நடிகர் ரஜினிகாந்தின் கொடும்பாவியை எரித்துப் போராட்டத்தில் ஈடுபட்ட தமிழர் முன்னேற்றப் படையைச் சேர்ந்தவர்களைப் போலீஸார் கைது செய்தனர். முன்னதாக, ரஜினிகாந்த் வீட்டுக்கு Read More

தங்களின் கருத்து ?
மகிழ்ச்சி
0%
வருத்தம்
0%
கோபம்
0%
சிரிப்பு
0%
நக்கல்
0%
விருப்பம்

Leave a Response