க்ரைம்
Now Reading
சொந்த மக்களையே கொல்லும் சிரியா அரசு!
0

சொந்த மக்களையே கொல்லும் சிரியா அரசு!

by editor sigappunadaApril 10, 2017 11:56 am

சிரியாவின் வடக்கு மாகாணமான இத்லிபின் கான் ஷெய்கான் நகரில் கடந்த திங்கள் கிழமை அதிகாலை நடத்தப்பட்ட கொடூரத் தாக்குதல் இது. குடியிருப்புப் பகுதிகளுக்கு மேலே பறந்து செல்லும் அடையாளம் தெரியாத விமானம் ரசாயன வாயு அடங்கிய குண்டுகளை வீசிவிட்டுச் செல்கிறது. என்ன நடக்கிறது என்றே தெரியாத நிலையில் வாயில் நுரை தள்ள, துள்ளத் துடிக்க இறந்துபோகிறார்கள் மக்கள். மொத்தம் 72 பேர் என்கிறது சிரியா. ஆனால், 100-க்கும் மேற்பட்டோர் பலியாகியிருக்கிறார்கள். இவர்களில் 15-க்கும் மேற்பட்டோர் குழந்தைகள். சரின் விஷ வாயுக் குண்டுகள்தான் பயன்படுத்தப்பட்டன என்று நிபுணர்கள் தெரிவிக்கிறார்கள்.

அநேகமாக இத்லிப் மாகாணத்தின் எல்லா மருத்துவ மனைகளும் நிறைந்து வழிகின்றன. கடந்த ஆறு ஆண்டு களாக உள்நாட்டுப் போராலும், ஐஎஸ் பயங்கர வாதிகள் நிகழ்த்திவரும் கொடூரங்களாலும் சிதைந்து, துவண்டு கிடக்கும் சிரியா மக்கள், இந்தக் கொடுமையை எப்படி எதிர்கொள்வது என்று தெரியாமல் திகைத்து நிற்கிறார்கள்.

இது போர்க் குற்றமா என்று விசாரணை நடத்தப்படும் என்று ஐநா தெரிவித்திருக்கிறது. வழக்கம்போல், இந்தப் படுகொலைகளுக்கு யார் காரணம் என்று பரஸ்பரக் குற்றச்சாட்டுகள், மழுப்பல்கள். சிரியா அதிபர் அல் பஷார் அஸாதின் ராணுவம்தான் காரணம் என்று அமெரிக்காவும் சர்வதேச நாடுகளும் குற்றம்சாட்டுகின்றன. ஐ.நா.வும் அதைத்தான் சொல்கிறது. ஆனால், சிரியாவின் கூட்டாளியான ரஷ்யா அதை மறுக்கிறது. என்னதான் நடக்கிறது சிரியாவில்?

2011-ல் தொடங்கியது சிரியா உள்நாட்டுப் போர். அந்தக் காலகட்டத்தில்தான் ‘அரபு வசந்தம்’ எனும் பெயரில் துனீஷியாவின் அதிபர் ஜினே எல் அபிதினி பென் அலியின் ஆட்சியையும், எகிப்து அதிபர் ஹோஸ்னி முபாரக்கின் ஆட்சியையும் கவிழ்க்கிறது மக்கள் புரட்சி. சிரியாவிலும் அரபுப் புரட்சிக்கு ஆதரவான குரல்கள் எழுகின்றன. அதிபர் அல் பஷார் அஸாதுக்கு எதிராகப் போராட்டங்கள் வெடிக்கின்றன. அப்போது அரபு வசந்தத்தை ஆதரித்து சுவர்களில் எழுதியதாகக் குற்றம்சாட்டப்பட்டு, 15 இளைஞர்கள் கைதுசெய்யப்பட்டு சித்ரவதை செய்யப்படுகிறார்கள். இவர்களில் 13 வயதேயான சிறுவன் கொல்லப்படுகிறான். தொடர்ந்து எதிர்ப்பாளர்களை நசுக்குகிறது சிரியா அரசு. ராணுவத்திலிருந்து வெளியேறும் அதிருப்தியாளர்கள் ‘சுதந்திர சிரியா ராணுவம்’ எனும் படையைத் தொடங்குகிறார்கள். அஸாத் ஆட்சியைக் கவிழ்க்கும் முயற்சியில் இறங்குகிறார்கள். சர்வதேச நாடுகள் இவர்களுக்கு ஆதரவளிக்கின்றன. ரஷ்யாவும் ஈரானும் சிரியா அரசை, அதாவது அஸாதை ஆதரிக்கின்றன. இடையில், மனிதகுலம் இதுவரை பார்த்திராத கொடூரங்களை இராக்கிலும் சிரியாவிலும் அரங்கேற்றுகிறது ஐஎஸ் பயங்கரவாத அமைப்பு.

இதையும் படிச்சிருங்க !
அடித்து கொலை செய்யப்பட்டார் ஜெயலலிதாவின் கொடநாடு எஸ்டேட் காவலர் - முன்னாள் முதல்வர் ஜெயலலிதா ஓய்வெடுப்பதற்காக பயன்படுத்திவந்த கொடநாடு எஸ்டேட் பஙகளாவில் பணியாற்றும் காவலாளி கொலை செய்யப்பட்டார். மற்றொரு காவலாளிக்கு கையில் அரிவாள் வெட்டுக்காயம் ஏற்பட்டது. நீலகிரி மாவட்டத்தில் Read More

தங்களின் கருத்து ?
மகிழ்ச்சி
0%
வருத்தம்
0%
கோபம்
0%
சிரிப்பு
0%
நக்கல்
0%
விருப்பம்

Leave a Response