Now Reading
சரவணபவன் ஓட்டலுக்கு சீல் வைத்த பின்னணி!
0

சரவணபவன் ஓட்டலுக்கு சீல் வைத்த பின்னணி!

by Sub EditorFebruary 4, 2017 3:00 pm

சென்னை முழுவதும் மாநகராட்சி அதிகாரிகள், அனுமதியில்லாமல் இயங்கும் கடைகளை ஆய்வு நடத்தி சீல் வைத்து வருகின்றனர். இந்தநிலையில், ராயப்பேட்டை பீட்டர் சாலையில் செயல்பட்டு வரும் பிரபல சரவணபவன் ஓட்டல், தொழில் உரிமம் இன்றி செயல்படுவதாக அதிகாரிகளுக்கு தகவல் வந்தது. இதையடுத்து, மாநகராட்சி உதவி ஆணையர் ராமமூர்த்தி தலைமையில், உதவி வருவாய் அலுவலர்கள் பானுசந்திரன், ஜோசப் தங்கராஜ், உரிமம் ஆய்வாளர்கள் சக்திவேல், ராஜி, சந்திரமுரளி ஆகியோர் ஓட்டலுக்கு சென்று ஆய்வு நடத்தினர். ஆய்வில், சரவணபவன் ஓட்டல் தொழில் உரிமம் இல்லாமல் செயல்படுவது உறுதி செய்யப்பட்டது. மேலும், தீயணைப்பு துறையின் தடையில்லா சான்று, வாகனங்கள் நிறுத்துவதற்கான இடவசதி இல்லை என்பதும், தொழில் வரி 5 லட்சம் செலுத்தாததும் கண்டறியப்பட்டது.

இதையடுத்து அதிகாரிகள் ஊழியர்கள், அங்கு சாப்பிட்டுக் கொண்டிருந்தவர்களை வெளியேற்றினர். தொடர்ந்து, அதிகாரிகள் அரசு முத்திரையிட்டு ஓட்டலுக்கு சீல் வைத்தனர். ஓட்டலின் கதவில் “தொழில் உரிமம் இன்றி இயங்கி வரும் ஓட்டல் சரவண பவனுக்கு பொதுமக்கள் முன்னிலையில் அரசு முத்திரையிட்டு கடையினை மூடி சீல் வைக்கப்படுகிறது” என்று நோட்டீஸ் ஒட்டப்பட்டது. இதே போன்று சென்னையில் மட்டும் ஒன்பது சரவணபவன் ஓட்டல்களுக்கு சீல் வைக்கப்பட்டுள்ளது.

சரவணபவன் ஓட்டலை மட்டும் குறிவைக்கப்பட்டதின் பின்னணியில் சசிகலா இருக்கிறாராம். ஓட்டல் நிர்வாகம் சசிதரப்பை ஒரு விசயத்தில் வெறுப்பேற்றியிருக்கிறது. அதனால் கடுப்பான சசிகலா, மாநகராட்சியை ஏவிவிட்டு இந்தக் காரியத்தை கச்சிதமாகச் செய்துவிட்டார் என்று அரசியல் வட்டாரம் பேசுகிறது.

– ஈஸ்வர்

இதையும் படிச்சிருங்க !
பிரியாணிக்கான சண்டையால் நின்று போன திருமணம் - பெண் வீட்டார் அசைவ உணவை வழங்காததால் ஏற்பட்ட பிரச்சினையில், மீரட்டின் முஸாஃபர் நகர் கிராமத்தில் நடைபெற இருந்த திருமணம் பாதியில் நிறுத்தப்பட்டது. இதுகுறித்துத் திருமணப் பெண் நக்மா Read More

தங்களின் கருத்து ?
மகிழ்ச்சி
0%
வருத்தம்
0%
கோபம்
0%
சிரிப்பு
0%
நக்கல்
0%
விருப்பம்

Leave a Response