Now Reading
சசிகலாவின் விளக்க கடிதம் ஓ.பி.எஸ் கையில்
0

சசிகலாவின் விளக்க கடிதம் ஓ.பி.எஸ் கையில்

by editor sigappunadaMarch 12, 2017 6:04 pm

அதிமுக பொது செயலாளராக சசிகலா நியமிக்கப்பட்டதை செல்லாது என அறிவிக்க கோரி முன்னாள் முதல்வர் ஓ.பன்னீர்செல்வம் அணியினர் தேர்தல் ஆணையத்திடம் புகார் மனு அளித்தனர். அந்த மனுவில், அ.தி.மு.க., சட்ட விதிகளின் படி, சசிகலா பொதுச்செயலாளராக நியமிக்கப்பட்டது செல்லாது. சசிகலாவுக்கு கட்சியிலிருந்து உறுப்பினர்களை நீக்கவோ, புதிதாக நியமிக்கவோ எவ்வித அதிகாரமும் கிடையாது. சசிகலாவின் நியமனம் மற்றும் அவரின் அனைத்து நடவடிக்கையும் செல்லாது என தேர்தல் ஆணையம் அறிவிக்க வேண்டும் என குறிப்பிடப்பட்டிருந்தது.

இந்த புகார் மனுவை ஏற்ற தேர்தல் ஆணையம் பொதுச்செயலர் நியமனம் குறித்து பிப்.,28 ம் தேதிக்குள் விளக்கம் அளிக்க சசிகலாவுக்கு நோட்டீஸ் அனுப்பப்பட்டது. சசிகலாவின் நோட்டீசுக்கு அதிமுக துணை பொது செயலாளர் தினகரன் தேர்தல் ஆணையத்துக்கு விளக்க கடிதம் அனுப்பி இருந்தார். அந்த கடிதத்தை தேர்தல் ஆணையம் ஏற்க மறுத்து விட்டது. தேர்தல் ஆணையம் அளித்த விளக்கத்தில், தேர்தல் ஆணைய ஆவணங்களின் படி, தினகரன் அ.தி.மு.க.,வில் எவ்வித பொறுப்பில் இல்லை. எனவே அவரின் விளக்கத்தை ஏற்க முடியாது என்று தெரிவித்துவிட்டது. மேலும், மார்ச் 10-ம் தேதிக்குள் சசிகலா தனது விளக்கத்தை அனுப்ப வேண்டும் என்று தேர்தல் ஆணையம் உத்திரவிட்டது.

இதைதொடர்ந்து, கடந்த மார்ச் 10 ஆம் தேதி அன்று 70 பக்க விளக்க கடிதத்தை தனது வழக்கறிஞர் மூலமாக தேர்தல் அனையதிற்கு சசிகலா சமர்பித்தார்.

இந்நிலையில், சசிகலாவின் விளக்க கடிதத்தின் நகல்களை புகார்தாரர்களான மைத்ரேயன் எம்.பி. உள்பட ஓ.பி.எஸ். தரப்புக்கு தேர்தல் கமி‌ஷன் நேற்று அனுப்பி வைத்து அவர்கள் தரப்பு விளக்கத்தை கேட்டுள்ளது. வருகிற 14-ந்தேதிக்குள் பதில் அளிக்க வேண்டும் என்று ஓ.பி.எஸ். அணியினருக்கு தேர்தல் கமி‌ஷன் உத்தரவிட்டுள்ளது.

இதையும் படிச்சிருங்க !
பைக்கில் மதுவிற்பனை, கண்டுகொள்ளாத போலீஸ் -   டாஸ்மாக் கடைகள் மூடப்பட்டு வரும் நிலையில் கள்ளச்சந்தையில் மதுவிற்பனை ஜோராக நடந்து வருகிறது. விழுப்புரம் மாவட்டம் சின்னசேலம் காவல்நிலைய எல்லைக்குட்பட்ட பகுதியில் 9 இடங்களில் அரசு Read More

தங்களின் கருத்து ?
மகிழ்ச்சி
0%
வருத்தம்
0%
கோபம்
0%
சிரிப்பு
0%
நக்கல்
0%
விருப்பம்

Leave a Response