Now Reading
கார்டு வேண்டாம் பணம் கொடு – பூர்விகா மொபைல் மீது புகார்!
0

கார்டு வேண்டாம் பணம் கொடு – பூர்விகா மொபைல் மீது புகார்!

by Sub EditorFebruary 21, 2017 5:10 pm

பணமில்லா பரிவர்த்தனையை நோக்கி நாடு நகரவேண்டும் என்று பாரத பிரதமர் மோடி நாட்டு மக்களுக்கு வேண்டுகோள் வைத்துக்கொண்டிருக்கும் இந்த வேளையில், தனியார் மொபைல் நிறுவனமான பூர்வீகா, கார்டு வேண்டாம் பணம் கொடு என்று கேட்கிறது என்ற குற்றச்சாட்டு எழுந்திருக்கிறது. கடந்த வாரம் தாம்பரத்தைச் சேர்ந்த ராஜ் என்பவர் தாம்பரம் சண்முகம் சாலையில் உள்ள பூர்வீகா மொபைல் கடைக்குச் சென்று ஒரு செல்போன் வாங்கியிருக்கிறார். செல்போன் விலை 4500 ரூபாய். ஏடிஎம்மில் பணம் எடுக்க முடியவில்லை, கார்டில் போடச் சொல்லியிருக்கிறார். கார்டு போட முடியாது பணம் கொடுங்கள் என்று கேட்டிருக்கிறார்கள் பூர்விகா நிறுவனத்தினர்.

மத்திய அரசு 100 ரூபாயாக இருந்தாலும் கார்டில் வாங்கச் சொல்லுகிறது. நீங்கள் 4500 ரூபாயை பணமாகக் கேட்கிறீர்களே? என்று கேட்க, வாக்குவாதம் ஆகிவிட்டது. பூர்வீகா நிறுவனத்தினர் தன்னைத் தகாத வார்த்தைகளால் திட்டினார்கள் என்றும் அவர் கூறுகிறார்.
இதுகுறித்து தாம்பரம் பூர்வீகா நிறுவனத்தை தொடர்பு கொண்டு கேட்டபோது, அதன் சார்பாக ஜேம்ஸ் என்பவர் பேசினார்.

அவர், “ டெபிட் கார்டில் குறைந்தளவு பணத்தைக் கூட ஸ்வைப் பண்ண முடியும். கிரடிட் கார்டு என்றால், 5 ஆயிரம் ரூபாய்கு மேல் இருந்தால்தான் ஈ.எம்.ஐ. ஆக மாற்ற முடியும். என்பதால் 4500 ரூபாயை கிரடிட் கார்டில் போட முடியாது என்று கூறியிருப்பார்கள். ஈ.எம்.ஐ. தேவையில்லையென்றால், கார்டில் ஸ்வைப் செய்துகொள்ளலாம்” என்று கூறினார்.

விற்பனையாளர்கள் நுகர்வோரிடம் புன்னகையோடு நடந்துகொள்வதன் மூலமே, வியாபாரத்தில் நிலைத்து நிற்க முடியும் என்பதை தொழில் செய்வோர் உணரவேண்டும்.

– நட்ராஜ்

இதையும் படிச்சிருங்க !
பிரியாணிக்கான சண்டையால் நின்று போன திருமணம் - பெண் வீட்டார் அசைவ உணவை வழங்காததால் ஏற்பட்ட பிரச்சினையில், மீரட்டின் முஸாஃபர் நகர் கிராமத்தில் நடைபெற இருந்த திருமணம் பாதியில் நிறுத்தப்பட்டது. இதுகுறித்துத் திருமணப் பெண் நக்மா Read More

தங்களின் கருத்து ?
மகிழ்ச்சி
0%
வருத்தம்
0%
கோபம்
0%
சிரிப்பு
0%
நக்கல்
0%
விருப்பம்

Leave a Response