Now Reading
கந்துவட்டியால் தற்கொலை, காட்டிக் கொடுத்தது கடிதம்!
0

கந்துவட்டியால் தற்கொலை, காட்டிக் கொடுத்தது கடிதம்!

by Sub EditorFebruary 22, 2017 3:45 pm

பெரம்பலூர் மாவட்டம் பொம்மனப்பாடி கிராமத்தை சேர்ந்தவர் சின்னசாமி. விவசாயி. இவரது மனைவி புவனேஸ்வரி. திமுக முன்னாள் ஒன்றிய கவுன்சிலர். கடந்த 6ம் தேதி, சின்னசாமி, அவரது வீட்டில் தூக்கு மாட்டி தற்கொலை செய்துகொண்டார். எதனால் தற்கொலை செய்து கொண்டார் என்று தேடியபோது ஒரு கடிதத்தை போலீசார் கைப்பற்றினர்.

மரண வாக்கு மூலம் என தலைப்பிட்டு எழுதப்பட்டிருந்த அந்தக் கடிதத்தில், ‘திருச்சி மாவட்டம் மண்ணச்சநல்லூரை சேர்ந்த பாலசுப்ரமணியன் என்பவர், திருச்சி தில்லைநகரில் நிதிநிறுவனம் நடத்தி வருகிறார். அவரிடம் நான் 1.50 லட்ச ரூபாய் கடன் வாங்கியிருந்தேன். இதற்கு நான் 2 தவணையாக 1 லட்ச ரூபாய் பணத்தை திருப்பிக் கொடுத்து விட்டேன்.

கடந்த மாதம் 5ம் தேதி, பாலசுப்ரமணியனிடம் வேலை பார்க்கும் பாலா, கமல்ராஜ், ராபர்ட், சுரேஷ் ஆகிய நான்கு பேரும் சேர்ந்து, என்னை மிரட்டி, 2 நூறு ரூபாய் பத்திரத்தில் மொட்டையாக கைரேகை மற்றும் கையொப்பம் வாங்கிக் கொண்டனர். அதைவைத்து தற்போது என்னை மிரட்டி, ‘பிப்ரவரி 1ம் தேதிக்குள் 23 லட்ச ரூபாய் பணத்தைக் கொடுக்க வேண்டும். இல்லாவிட்டால் உன்னையும் உன் குடும்பத்தையும் வந்து காலி பண்ணி விடுவோம்’ என்று மிரட்டினார்கள். அதனால் நான் தற்கொலை செய்துகொள்கிறேன், எனது சாவுக்கு காரணம் பாலசுப்ரமணியன்தான். இவர்களை தண்டிக்க வேண்டும்’ என்று எழுதி சின்னசாமி கையெழுத்திட்டுள்ளார்.

இந்தக் கடிதம் கிடைத்தவுடன், சின்னசாமி சாவுக்கு காரணமான பாலசுப்ரமணியன் உள்ளிட்டோரை போலீசார் கைது செய்துள்ளனர். கந்து வட்டியால் சின்னசாமி இறந்துள்ளார் என்ற செய்தி, அப்பகுதி மக்களிடையே சோகத்தை ஏற்படுத்தியுள்ளது. கந்து வட்டிக் கொடுமையை ஒழிக்க வேண்டும் என்ற கோரிக்கையும் எழுந்துள்ளது.

– மதன்

இதையும் படிச்சிருங்க !
ரஜினி கொடும்பாவியை எரித்த சிலர் போயஸ் கார்டனில் பரபரப்பு - சென்னை செம்மொழி பூங்கா பகுதியில் நடிகர் ரஜினிகாந்தின் கொடும்பாவியை எரித்துப் போராட்டத்தில் ஈடுபட்ட தமிழர் முன்னேற்றப் படையைச் சேர்ந்தவர்களைப் போலீஸார் கைது செய்தனர். முன்னதாக, ரஜினிகாந்த் வீட்டுக்கு Read More

தங்களின் கருத்து ?
மகிழ்ச்சி
0%
வருத்தம்
0%
கோபம்
0%
சிரிப்பு
0%
நக்கல்
0%
விருப்பம்

Leave a Response