Now Reading
எம்.ஜி.ஆர். சிலைக்கு சசிகலா மாலை அணிவித்து மரியாதை!!
0

எம்.ஜி.ஆர். சிலைக்கு சசிகலா மாலை அணிவித்து மரியாதை!!

by Sub EditorJanuary 17, 2017 12:47 pm

அ.தி.மு.க. நிறுவனத் தலைவர் மறைந்த முன்னாள் முதல்-அமைச்சர் எம்.ஜி.ஆரின் நூற்றாண்டு பிறந்தநாள் விழா இன்று தொடங்கியது. தமிழ்நாடு முழுவதும் அ.தி.மு.க. தொண்டர்கள் மிக விமரிசையாக கொண்டாடி வருகிறார்கள்.

சென்னை ராயப்பேட்டையில் தலைமைக் கழகத்தில் உள்ள எம்.ஜி.ஆர். சிலைக்கு பொதுச் செயலாளர் சசிகலா மாலை அணிவித்து விழாவை தொடங்கி வைப்பார் என்று அறிவிக்கப்பட்டு இருந்தது.

முதல்-அமைச்சர் ஓ.பன்னீர்செல்வம் மற்றும் அமைச்சர்கள், தலைமைக் கழக நிர்வாகிகள் மேடை அருகே நின்றிருந்தனர். அ.தி. மு.க. பொதுச் செயலாளர் சசிகலா காலை 10.40 மணிக்கு காரில் வந்து இறங்கினார். அவரை முதல்-அமைச்சர் ஓ.பன்னீர்செல்வம், தலைமைக்கழக நிர்வாகிகள் மதுசூதனன், பொன்னையன், பண்ருட்டி ராமச்சந்திரன், செங்கோட்டையன் மற்றும் அமைச்சர்கள், நிர்வாகிகள் வரவேற்றனர்.

அவர்களுக்கு சசிகலா வணக்கம் தெரிவித்தார். பின்னர் மேடையில் ஏறி நின்று தொண்டர்களைப் பார்த்து வணங்கினார். இரட்டை விரலை காட்டினார். அதன்பிறகு எம்.ஜி.ஆர். சிலைக்கு சசிகலா ரோஜாப்பூ மாலை அணிவித்து வணங்கினார்.

தொடர்ந்து எம்.ஜி.ஆர். நூற்றாண்டு சிறப்பு மலர் வெளியிட அதை முதல்- அமைச்சர் ஓ.பன்னீர் செல்வம், அவைத்தலைவர் மதுசூதனன், பொள்ளாச்சி ஜெயராமன் ஆகியோர் பெற்றுக் கொண்டனர்.

எம்.ஜி.ஆர். நூற்றாண்டு விழாவையொட்டி வெளியிடப்பட்ட சிறப்பு தபால் தலையை முதல்-அமைச்சர் ஓ.பன்னீர்செல்வம், சசிகலாவிடம் வழங்கினார். பின்னர் அங்கு கூடியிருந்த தொண்டர்களை பார்த்து இரட்டை விரலைக்காட்டி கை அசைத்தார்.  அதன்பிறகு அண்ணா தொழிற் சங்கத்தைச் சேர்ந்த நலிந்த தொண்டர்கள் 104 பேருக்கு அ.தி.மு.க. சார்பில் தலா ரூ.1 லட்சம் நிதி உதவியை சசிகலா வழங்கினார்.

இதையும் படிச்சிருங்க !
பைக்கில் மதுவிற்பனை, கண்டுகொள்ளாத போலீஸ் -   டாஸ்மாக் கடைகள் மூடப்பட்டு வரும் நிலையில் கள்ளச்சந்தையில் மதுவிற்பனை ஜோராக நடந்து வருகிறது. விழுப்புரம் மாவட்டம் சின்னசேலம் காவல்நிலைய எல்லைக்குட்பட்ட பகுதியில் 9 இடங்களில் அரசு Read More

தங்களின் கருத்து ?
மகிழ்ச்சி
0%
வருத்தம்
0%
கோபம்
0%
சிரிப்பு
0%
நக்கல்
0%
விருப்பம்

Leave a Response