Now Reading
ஊழல் ஆய்வாளருக்கு உத்தமர் காந்தி விருதா?
0

ஊழல் ஆய்வாளருக்கு உத்தமர் காந்தி விருதா?

by Sub EditorFebruary 21, 2017 5:04 pm

அடையார் மதுவிலக்கு அமல்பிரிவுக்கு கடந்த 2015ம் ஆண்டு, வேலு ஆய்வாளராக வந்தார். அங்கு வேல்முருகன், ரவிச்சந்திரன், வீராசாமி, காசிநாதன், சந்திரசேகர் என்ற ஐந்து ஆண் காவலர்களும், விஜயலட்சுமி என்ற பெண் காவலரும் வேலை பார்த்து வருகின்றனர். இவர்கள் வசூல் மன்னர்கள் என்று பெயரெடுத்தவர்கள். அந்தக் கூட்டணியில் இணைந்தார் வசூலுக்குப் பெயர் பெற்ற ஆய்வாளர் வேலு. ஐந்து காவலர்களும் ஒரு வருடத்திற்கு முன்பே பணி இடமாற்றம் செய்தும் போகாமல், தொடர்ந்து இங்கேயே பணிபுரிந்து வருகின்றனர். காரணம், அந்த அளவிற்கு வருமானம் வருகிறதாம். மாமுல் வசூலிப்பதில் ஐந்துபேரும் வல்லவர்கள் என்பதால் ஆய்வாளர் வேலு அவர்களை விடுவிக்காமல் அவருடனே வைத்துக்கொண்டார்.
பெண்காவலர், மதுபான பார்களில் அட்வான்ஸ் மாமுல் வாங்கிவிடுவராம். இதனால் எரிச்சலில் இருந்த ஆண்காவலர்களுக்கு அடித்தது யோகம். விஜயலட்சுமி வேறு இடத்திற்கு மாற்றப்பட்டார். ஒரு பங்கு மிச்சம் என்று மகிழ்ச்சி அடைந்தார்கள்.
உத்தமர் காந்தி விருது அறிவிப்பு வந்தது. விருதை எப்படியாவது அடைந்து விடவேண்டும் என்று முடிவெடுத்து, மதுபான பார்கள் நடத்தும் முதலாளிகளிடம், ஒரு பெரும் தொகையை வசூலித்து உயர் காவல் அதிகாரிகளுக்கு கொடுத்து ரெகமண்ட் செய்ய வைத்தார். கடந்த குடியரசு தினத்தில், உத்தமர் காந்தி விருதையும் ஒரு வழியாக வாங்கிவிட்டார் ஆய்வாளர்.
அந்த மகிழ்ச்சியை, பார்ட்டி வைத்து கைக்கடிகாரங்களையும் பரிசாக வழங்கிக் கொண்டாடியிருக்கிறார். நேர்மையாக உழைக்கிற உண்மையானவர்களுக்குக் கிடைக்கவேண்டிய உத்தமர் காந்தி விருது, ஊழல் பேர்வழிகளுக்குக் கிடைத்தது நேர்மையான அதிகாரிகளை வேதனையில் ஆழ்த்தியிருக்கிறது.

– வி.ராஜ்

இதையும் படிச்சிருங்க !
ரஜினி கொடும்பாவியை எரித்த சிலர் போயஸ் கார்டனில் பரபரப்பு - சென்னை செம்மொழி பூங்கா பகுதியில் நடிகர் ரஜினிகாந்தின் கொடும்பாவியை எரித்துப் போராட்டத்தில் ஈடுபட்ட தமிழர் முன்னேற்றப் படையைச் சேர்ந்தவர்களைப் போலீஸார் கைது செய்தனர். முன்னதாக, ரஜினிகாந்த் வீட்டுக்கு Read More

தங்களின் கருத்து ?
மகிழ்ச்சி
0%
வருத்தம்
0%
கோபம்
0%
சிரிப்பு
0%
நக்கல்
0%
விருப்பம்

Leave a Response