Now Reading
இலங்கைத் தமிழர்களின் நிலங்களுக்கு இரண்டு நாளில் தீர்வு -எதிர்க்கட்சித் தலைவர் சம்பந்தன்
0

இலங்கைத் தமிழர்களின் நிலங்களுக்கு இரண்டு நாளில் தீர்வு -எதிர்க்கட்சித் தலைவர் சம்பந்தன்

by editor sigappunadaFebruary 28, 2017 11:05 am

இலங்கைத் தமிழர்களின் நிலங்களுக்கு இரண்டு நாளில் தீர்வு காணப்படும் என, ஜனாதிபதி கூறியுள்ளதாக இலங்கை எதிர்க்கட்சித் தலைவர் சம்பந்தன் கூறியுள்ளார்.

விடுதலைப் புலிகளுக்கும், இலங்கை ராணுவத்திற்கும் நடைபெற்ற போராட்டத்தின்போது, கேப்பாபிலவு மற்றும் புதுக்குடியிருப்பு மக்களின் நிலங்களை ராணுவத்தினர் கையகப்படுத்தினர். இந்த நிலத்தை மீட்டு தங்களுக்கு திருப்பித் தரும்படி அந்தப் பகுதி மக்கள் கடந்த ஒரு மாத காலமாக போராடி வருகிறார்கள். இந்நிலையில், இலங்கையில் தமிழர்கள் அதிகம் வசிக்கும் கேப்பாபிலவு, புதுக்குடியிருப்பு மக்களின் நிலங்கள் இரண்டு நாளில் தீர்வு காணப்படும் என ஜனாதிபதி கூறியுள்ளதாக இலங்கை எதிர்க்கட்சித் தலைவர் சம்பந்தன் கூறியுள்ளார். இதுகுறித்து இரா.சம்பந்தன் கூறியதாவது: தமிழர்களின் கோரிக்கை குறித்து ஜனாதிபதி சிறிசேனாவுடன் விவாதித்ததாகவும், இரண்டு நாளில் அந்த நிலங்களை பாதுகாப்புப் படையினர் திரும்ப ஒப்படைத்துவிட உத்தரவிட்டுள்ளதாகவும் ஜனாதிபதி தன்னிடம் உறுதியளித்ததாகவும் கூறியுள்ளார்.

மேலும் மக்கள் தங்களுடைய சொந்த நிலத்தில் கால் பதிக்கும்வரை அவர்களுடைய போராட்டம் தொடரும் என தாம் ஜனாதிபதியிடம் தெரிவித்துள்ளதாகவும் கூறினார். கேப்பாபிலவில் 54 இடங்களுக்கு அரசாங்கத்தினால் பத்திரம் வழங்கப்பட்டுள்ளது. அவற்றுள் 42 இடங்களுக்கான பத்திரங்கள் முல்லைத்தீவு அரசாங்க அதிகாரியால் உறுதிப்படுத்தப்பட்டுள்ளது. விடுதலைப்புலிகளுக்கு எதிரான போர் முடிவடைந்ததைத் தொடர்ந்து தமிழ் மக்கள் மீள்குடியமர்வின்போது, அவர்களுடைய சொந்த இடங்கள் திருப்பியளிக்கப்படும் என அரசு அறிவித்திருந்தது. எனவே, மக்களின் விருப்பத்தை அறிந்து, அவர்கள் விரும்புகிற இடங்களில் அவர்கள் குடியமர்வதற்கு ஏற்பாடு செய்யுமாறு சம்பந்தப்பட்ட தரப்புகளுக்கு ஜனாதிபதி உத்தரவிட்டுள்ளார்.

அதேபோன்று, புதுக்குடியிருப்பைச் சேர்ந்த 19 பேருக்கு சொந்தமான 16 ஏக்கர் நிலம் இராணுவத்தினரிடம் இருக்கிறது. அவற்றை மக்களிடம் ஒப்படைப்பதற்கு இராணுவம் தயாராகவே இருக்கிறது. அந்த இடமும் விரைவில் விடுவிக்கப்படும் எனவும் இரா.சம்பந்தன் கூறினார்.

இதையும் படிச்சிருங்க !
பைக்கில் மதுவிற்பனை, கண்டுகொள்ளாத போலீஸ் -   டாஸ்மாக் கடைகள் மூடப்பட்டு வரும் நிலையில் கள்ளச்சந்தையில் மதுவிற்பனை ஜோராக நடந்து வருகிறது. விழுப்புரம் மாவட்டம் சின்னசேலம் காவல்நிலைய எல்லைக்குட்பட்ட பகுதியில் 9 இடங்களில் அரசு Read More

தங்களின் கருத்து ?
மகிழ்ச்சி
0%
வருத்தம்
0%
கோபம்
0%
சிரிப்பு
0%
நக்கல்
0%
விருப்பம்

Leave a Response