பேட்டி
Now Reading
இருவருமே துரோகிகள் – நடிகை குஷ்பு பாய்சல்
0

இருவருமே துரோகிகள் – நடிகை குஷ்பு பாய்சல்

by editor sigappunadaApril 5, 2017 12:30 pm

ஆர்.கே.நகரில் வரும் 12ஆம் தேதி இடைத்தேர்தலுக்கான வாக்குப்பதிவு நடைபெற உள்ளது. இந்நிலையில் ஓ.பி.எஸ் அணியும், தினகரன் அணியும் ஒருவரை ஒருவர் கடுமையாகத் தாக்கி பிரசாரம் செய்கிறார்கள். இந்நிலையில், தண்டையார்பேட்டையில் திமுக வேட்பாளரை ஆதரித்து நடிகையும் காங்கிரஸ் கட்சியின் செய்தி தொடர்பாளருமான குஷ்பு பேசினார். அப்போது அவர், “ஆர்.கே.நகர் தொகுதியில் பணப்பட்டுவாடா செய்வதை தடுக்க மத்திய போலீஸ் படையை தீவிரப்படுத்துகிறது தேர்தல் ஆணையம். அப்படியென்றால் கறுப்புப் பணத்தை பிரதமர் மோடி எப்படி ஒழித்ததாக கூற முடியும்? எனில் உத்தரப்பிரதேசத்தில் பாஜக பணம் கொடுத்துதான் வெற்றி பெற்றதா?

தேர்தல் பிரசாரம் என்றால் எப்போதும் எதிர்க்கட்சிகள் மீதுதான் குற்றச்சாட்டுகள் வைக்கப்படும். ஆனால், இந்தத் தேர்தலில் அதிமுக-வில் இரு அணிகளாக ஓ.பன்னீர்செல்வம், டி.டி.வி.தினகரன் இடையேதான் மோதல் ஏற்பட்டுள்ளது. அவர்கள் ஒருவரையொருவர் கடுமையாக விமர்சித்துக் கொள்கிறார்கள். இருவருமே துரோகிகள் என்று கூறுகிறார்கள். ஆனால், உண்மையிலேயே இரண்டு பேரும் பொது மக்களுக்குத் தான் துரோகம் செய்திருக்கிறார்கள். எனக்கு வாய்ப்பு அளித்தால் நல்லது நடக்கும் என்று டி.டி.வி. தினகரன் கூறுகிறார். 57,000 வீடுகள் கட்டித் தருவதாக வாக்குறுதி கொடுக்கிறார். தமிழக பட்ஜெட்டில் கடன் சுமை அதிகரித்திருப்பதாக கூறுகிறார்கள். இந்தச் சூழ்நிலையில் எப்படி வீடு கட்டி கொடுக்க முடியும்? அதற்கு எப்படி வருமானம் கிடைக்கும்? இதுகுறித்து வெள்ளை அறிக்கை வெளியிட வேண்டும். ஓ.பன்னீர்செல்வமும், டி.டி.வி. தினகரனும் போயஸ் கார்டனை கைப்பற்றவே குறியாக இருக்கிறார்கள். இரட்டை இலை சின்னம் கேட்டு டெல்லி செல்லக்கூடிய அதிமுக-வினர் விவசாயிகள் பிரச்னைகளைக் கொண்டு செல்லவில்லை. 20 நாள்களாக டெல்லியில் போராடி வரும் விவசாயிகளைப் பிரதமர் மோடி இதுவரை சந்திக்கவில்லை. தமிழக முதல்வர் எடப்பாடி பழனிசாமி டெல்லி சென்று விவசாயிகளைச் சந்திக்காமல் தேர்தல் பிரசாரத்தில் ஈடுபட்டு வருகிறார். நன்மை செய்யும் கட்சிகள் இந்தத் தேர்தலில் திமுக-வை வெற்றி பெறச் செய்தால் பல்வேறு நலத் திட்டங்களை செய்து கொடுக்கும். மத்தியில் பல நல்ல திட்டங்களை காங்கிரஸ் ஆட்சி கொண்டு வந்தது. மக்களுக்கு நன்மை செய்யும் கட்சி காங்கிரஸும், திமுக-வும்தான். இன்னும் ஆறு மாதங்களில் தமிழகத்தில் பொதுத் தேர்தல் வரும். மக்கள் ஆட்சியாளர்கள் மீது கோபத்தில் இருக்கிறார்கள். தமிழகத்தில் காசு கொடுத்து குடிநீர் வாங்கும் அவலநிலை உள்ளது. ஆனால், டாஸ்மாக்கை மூடக்கூடாது என உச்சநீதிமன்றம் வரை சென்று மனு கொடுக்கிறார்கள்” என்று குஷ்பு கூறியுள்ளார்.

இதையும் படிச்சிருங்க !
பைக்கில் மதுவிற்பனை, கண்டுகொள்ளாத போலீஸ் -   டாஸ்மாக் கடைகள் மூடப்பட்டு வரும் நிலையில் கள்ளச்சந்தையில் மதுவிற்பனை ஜோராக நடந்து வருகிறது. விழுப்புரம் மாவட்டம் சின்னசேலம் காவல்நிலைய எல்லைக்குட்பட்ட பகுதியில் 9 இடங்களில் அரசு Read More

தங்களின் கருத்து ?
மகிழ்ச்சி
0%
வருத்தம்
0%
கோபம்
0%
சிரிப்பு
0%
நக்கல்
0%
விருப்பம்

Leave a Response