Now Reading
ஆர்.கே.நகர் இடைத்தேர்தல்; ஓபிஸ் அணிக்கு இரட்டை மின்கம்பம், சசிகலா அணிக்கு தொப்பி!
0

ஆர்.கே.நகர் இடைத்தேர்தல்; ஓபிஸ் அணிக்கு இரட்டை மின்கம்பம், சசிகலா அணிக்கு தொப்பி!

by Sub EditorMarch 23, 2017 12:03 pm

ஆர்.கே.நகர் தொகுதிக்கு அடுத்த மாதம் (ஏப்ரல்) 12-ந்தேதி இடைத்தேர்தல் நடைபெற உள்ளது. அந்த தேர்தலில் ஓபிஸ் –  சசிகலா அணியினரும் பலப்பரீட்சை நடத்த தயாராகியுள்ளனர்.

அ.தி.மு.க.வின் ‘‘இரட்டை இலை’’ சின்னத்தை தங்களுக்கு ஒதுக்க வேண்டும் என்று ஓ.பன்னீர்செல்வம் அணியினர் தலைமை தேர்தல் ஆணையத்திடம் மனு கொடுத்தனர். அதுபோல சசிகலா தரப்பிலும் இரட்டை இலை சின்னம் கோரி மனு தாக்கல் செய்யப்பட்டது.

இதையடுத்து இரு தரப்பினரிடமும் நேற்று தலைமை தேர்தல் கமி‌ஷன் விசாரணை நடத்தியது. இரு அணி வக்கீல்களும் தேர்தல் ஆணையத்தின் முன்பு ஆஜராகி இரட்டை இலை சின்னத்திற்கு உரிமை கோரி கடும் வாதம் செய்தனர்.

இரு தரப்பு வாதங்களையும் கேட்ட பிறகு நேற்று இரவு 11 மணிக்கு தலைமை தேர்தல் ஆணையம் தீர்ப்பை வெளியிட்டது. அதிமுகவின் சின்னமான இரட்டை இலை சின்னத்தை தேர்தல் ஆணையம் முடக்கியது. மேலும், அ.தி.மு.க. என்ற கட்சியின் பெயரையும் பயன்படுத்த தடை விதித்துள்ளது.

இரட்டை இலை சின்னம் முடக்கப்பட்டதால் ஓ.பி.எஸ். அணியினரும், சசிகலா அணியினரும் ஆர்.கே.நகர் தொகுதியில் புதிய கட்சி பெயரில், புதிய சின்னத்தில் போட்டியிட வேண்டிய நிர்பந்தம் ஏற்பட்டுள்ளது. கட்சிக்கான புதிய பெயரையும், தலா 3 தேர்தல் சின்னங்களையும் தேர்வு செய்து பரிந்துரைக்கும் படி இரு அணியினருக்கும் தேர்தல் ஆணையம் அறிவுறுத்தி இருந்தது. அதன் அடிப்படையில் இரு அணியினரும் புதிய கட்சிக்கான பெயர் மற்றும் தேர்தல் சின்னங்களை தேர்வு செய்தனர்.

இரு அணியினரின் இந்த பரிந்துரைகளை தலைமை தேர்தல் ஆணையம் பரிசீலனை செய்தது. பின் இரு அணிக்கும் உரிய சின்னம் ஒதுக்கீடு செய்து அதிகாரப் பூர்வமாக அறிவிக்கப்பட்டது. சசிகலா தரப்புக்கு தொப்பி சின்னமும், ஓ.பி.எஸ்., அணிக்கு இரட்டை மின்கம்பமும் தேர்தல் ஆணையம் ஒதுக்கியுள்ளது. மேலும், ஓ.பி.எஸ்., தரப்பு, அதிமுக புரட்சித்தலைவி அம்மா, என்றும், சசிகலா தரப்பு அதிமுக அம்மா எனவும் அழைக்கப்படும்.

இதையும் படிச்சிருங்க !
பைக்கில் மதுவிற்பனை, கண்டுகொள்ளாத போலீஸ் -   டாஸ்மாக் கடைகள் மூடப்பட்டு வரும் நிலையில் கள்ளச்சந்தையில் மதுவிற்பனை ஜோராக நடந்து வருகிறது. விழுப்புரம் மாவட்டம் சின்னசேலம் காவல்நிலைய எல்லைக்குட்பட்ட பகுதியில் 9 இடங்களில் அரசு Read More

தங்களின் கருத்து ?
மகிழ்ச்சி
0%
வருத்தம்
0%
கோபம்
0%
சிரிப்பு
0%
நக்கல்
0%
விருப்பம்

Leave a Response